Wednesday, February 09, 2011

സഖാവ് വി.എസ്സിനു അഭിവാദ്യങ്ങള്‍

ഇടമലയാര്‍ കേസില്‍ മുന്‍ മന്ത്രിയും കേരളാ കോണ്‍ഗ്രസ്സ് ബി. നേതാവുമായ ആര്‍. ബാലകൃഷ്ണപിള്ളയ്ക്കെതിരെ സുദീര്‍ഘമായ നിയമ യുദ്ധം നടത്തി അദ്ദേഹത്തിനു ഒരുവര്‍ഷത്തെ എങ്കില്‍ ഒരു വര്‍ഷത്തെ ശിക്ഷ വാങ്ങിക്കൊടുത്ത സഖാവ് വി.എസ് അച്യുതാനന്ദനു അഭിവാദ്യങ്ങള്‍. പ്രതിസന്ധികള്‍ക്കിടയിലും പ്രതിയോഗികളുടെ പാരകള്‍ക്കിടയിലും പതറാതെ സുധീരം മുന്നോട്ടു പോകുന്ന സഖാവ് വി.എസ്സിന്റെ ഒറ്റയാന്‍ പോരാട്ടങ്ങളെ ഒരു പക്ഷെ സഹയാത്രികര്‍ക്കടക്കം പലര്‍ക്കും അസ്വസ്ഥതകള്‍ ഉണ്ടക്കുവാന്‍ പോന്നതാണ്.

ഇടമലയാര്‍ കേസില്‍ അന്നത്തെ വൈദ്യുതി മന്ത്രിയായിരുന്ന ആര്‍.ബാലകൃഷ്ണപിള്ളയെ ഹൈക്കോടതി വെറുതെ വിട്ടിരുന്നു. ഇതിനെ ചോദ്യം ചെയ്ത് സഖാവ് വി.എസ്സ് അച്യുതാനന്ദന്‍ നല്‍കിയ ഹര്‍ജിയില്‍ പതിനായിരം രൂപ പിഴയും ഒരുവര്‍ഷം തടവുമാണ് സുപ്രീം കോടതി വിധിച്ചത്. ഹൈക്കോടതി വിധിയെ സുപ്രീം കോടതി തള്ളുകയും ചെയ്തു. മാര്‍ക്കിസ്റ്റു പാര്‍ടിയുടെ ആദ്യ പോളിറ്റ് ബ്യൂറോ മുതല്‍ അംഗമായിരുന്ന വി.എസ്സ് അച്യുതാനന്ദനെ പോളിറ്റ് ബ്യൂറോയില്‍ നിന്നും തരം താഴ്ത്തിയ സമയത്ത് തന്നെ ആയിരുന്നു ഈ കേസുമായി അദ്ദേഹം മുന്നോട്ടു പോയത്. കേസില്‍ കേരള സര്‍ക്കാരിന്റെ ഭാഗത്തുനിന്നും ഉണ്ടായ ചില വീഴ്ചകള്‍(അങ്ങിനെ പറയാമോ) അന്ന് ഏറേ ചര്‍ച്ചകള്‍ക്ക് വഴിവെച്ചിരുന്നു.
വി.എസ്സിനു വേണ്ടി സുപ്രീം കോടതിയില്‍ മുതിര്‍ന്ന അഭിഭാഷകന്‍ ശാന്തിഭൂഷന്‍ അടക്കം പ്രമുഖര്‍ ഹാജരായി.

ഓഫ്: മുഖ്യമന്ത്രിയായിരിക്കെ “ആലോചിക്കാതെ” മികച്ച അഭിഭാഷകരെ മുന്‍ നിര്‍ത്തി കേസു ജയിച്ച് ബാലകൃഷ്ണപിള്ളക്ക് ശിക്ഷവാങ്ങിക്കൊടുത്ത്, ഇനി ഇതിന്റെ പേരില്‍ അച്ചടക്ക നടപടി ഉണ്ടാകുമോ ആവോ കാത്തിരുന്നു കാണാം...

1 comment:

ജുജുസ് said...

പ്രതികാര ബുദ്ധിയോടെ വി എസ് പുന്തുടരുന്നൂന്നാണ് ‘ഇര’കളുടെ പരാതി... വി എസ്സിനു പകരം മറ്റു വല്ല നേതാക്കളായിരുന്നെങ്കിൽ ഇവിടത്തെ മറ്റു നേതാക്കൾ അഭിന്ദങളുമായി ഓടി എത്തിയേനേ.വി എസ്സിനെ അംഗികരിക്കാൻ സ്വന്തം പാർട്ടികാർക്ക് തന്നെ വൈമനസ്യം ഉള്ളപ്പോൾ മറ്റുള്ളവരുടെ കാര്യം പറയണോ.പാമോയൽ കേസിൽ സിവിസി യുടെ അഴിമതിയെ കുറിച്ച് വാതോരാതെ സംസാരിക്കുന്ന ദേശീയ പ്രതിപക്ഷ നേതാക്കളും,അച്ച് നിരത്തുന്ന ദേശീയ മാധ്യമങ്ങളും ഈ കേസ് ഇത്രയും സജീവമായി നിലനിർത്തിയത് കേരളത്തിന്റെ വി എസ്സ് ആണന്ന് ഒരു കാര്യം വിട്ടു പോകുന്നു
അഭിവാദ്യങ്ങൾ....