Sunday, February 22, 2009

"തുണിയുരിയാത്ത" മലയാളി അഭിമാനങ്ങൾ!

ആകാംഷയുടെ മുൾമുനയിൽ നിൽക്കുന്ന ലക്ഷക്കണക്കിനു ആരാധകർക്ക്‌ ആഹ്ലാദത്തിന്റെ നിമിഷങ്ങൾ സമ്മാനിച്ചുകൊണ്ട്‌ ഒടുവിൽ ഓസ്കർ അവർ കൈക്കലാക്കിയിരിക്കുന്നു.അതേ ഒന്നല്ല മൂന്ന് ഓസ്കർ പുരസ്കാരങ്ങൾ. ചരിത്രത്തിലേക്ക്‌ നടന്നുകയറുമ്പോൾ മാനാഭിമാനമുള്ള മലയാളിക്ക്‌ ആഹ്ലാദിക്കുവാൻ മറ്റൊരുകാരണം കൂടെ.അൽപനാൾ മുമ്പ്‌ പാർവ്വതി ഓമനക്കുട്ടൻ എന്ന പെൺകൊടി ലോകത്തിനു മുമ്പിൽ അൽപവസ്ത്രമണിഞ്ഞും(പാന്റിയുംബ്രായും മാത്രമിട്ടുവരെ) പൂച്ചനടത്തം നടത്തിയും റെഡിമേഡ്‌ ഉത്തരങ്ങൾ ഉരുവിട്ടും ലോകസുന്ദരിയുടെ തൊട്ടുപുറകിൽ നിലയുറപ്പിച്ചപ്പോൾ ഒരുകൂട്ടം ആളുകൾ ഇത്‌ മലയാളിക്ക്‌ അഭിമാനം എന്ന് വിളിച്ചുകൂവിയപോൾ നാണക്കേടുകൊണ്ട്‌ തൊലിയുരിഞ്ഞവർ ഉണ്ടിവിടെ.എന്നാൽ തലയുയർത്തിപ്പിടിച്ച്‌ മലയാളിക്കിപ്പോൾ അഭിമാനത്തോടെ പറയാം ഇതു മലയാളിക്ക്‌ അഭിമാനത്തിന്റെ നിമിഷങ്ങൾ എന്ന്.

ചേരിനിവാസികളുടെ ജീവിതപശ്ചാത്തലത്തിൽ ഡാനി ബോയിൽ എന്ന ബ്രിട്ടീഷ്‌ സംവിധായകൻ ഒരുക്കിയ "സ്ലം ഡോഗ്‌ മില്യണയർ" ഓസ്കാർ പുരസ്കാരങ്ങൾ വാങ്ങിക്കൂട്ടിയിരിക്കുന്നു.ജന്മം കൊണ്ട്‌ മലയാളിയായ എ.ആർ.റഹ്മാൻ സംഗീതവും,പശ്ചാത്തലസംഗീതവും ഒരുക്കി തന്റെ പ്രതിഭ തെളിയിച്ചപ്പോൾ രണ്ടു ഓസ്കാറുകൾ കൈപ്പിടിയിൽ ഒതുങ്ങി.റസൂൽ പൂക്കുട്ടിയാകട്ടെ ശബ്ദമിശ്രണത്തിന്റെ ഓസ്കാർ കരസ്ഥമാക്കിയിരിക്കുന്നു.കൊല്ലം സ്വദേശിയായ ഈ മലയാളി മുമ്പും പല ചിത്രങ്ങളിലും തന്റെ കഴിവു പ്രകടിപ്പിച്ചിട്ടുണ്ടെങ്കിലും മലയാളികൾ ശ്രദ്ധിക്കുന്നത്‌ "സ്ലം ഡോഗ്‌ മില്യണേയർ" എന്ന ചിത്രത്തിന്റെ വരവോടെയാണ്‌.

ഓരോ മലയാളിക്കും അഭിമാനത്തോടെ തലയുയർത്തിപ്പിടിച്ച്‌ "തുണിയുരിയാതെ നേടിയ" ഈ അനുപമമായ നേട്ടത്തിൽ അഭിമാനത്തോടെ ആഹ്ലാദിക്കാം. (ഇന്ത്യൻ പൗരന്മാർ നേടിയ ഈ വൻ നേട്ടാത്തെ മലയാളി എന്ന് പ്രാദേശികവൽക്കരിച്ച്‌ ചുരുക്കിക്കാണുവാൻ ശ്രമിക്കുകയല്ല ഞാൻ)

6 comments:

kaithamullu : കൈതമുള്ള് said...

കര്‍മ്മം വേ-
വര്‍മ്മം റെ!

കുമാരന്‍ said...

എന്റേയും ആശംസകള്‍!!

മാറുന്ന മലയാളി said...

ആ തലക്കെട്ട്‌ കലക്കി കേട്ടോ ..........

തോപ്പന്‍ said...

നന്നായിട്ടുണ്ട്

വികടശിരോമണി said...

കലക്കി,പാർപ്പിടം.സന്ദർഭോചിതം.

കുറ്റ്യാടിക്കാരന്‍|Suhair said...

but..

is a r rahman a malayali by the way?